"Катта Дубулға". Ўзбек дзюдочилари илк кунда иккита бронза, битта кумуш медалига эга чиқишди

Пойтахтимизда дзюдо бўйича "Катта Дубулға" мусобақаси ўтказилмоқда.

Кечки дастур доирасида уч нафар дзюдочимиз мусобақа медаллари учун татамига чиқди. - 66 кг вазн тоифасида юртимиз шарафини ҳимоя қилаётган Сардор Нуриллаев олтин медал учун тожикистонлик Нурали Эмомалига қарши баҳс олиб борди. Ушбу вазндаги яна бир вакилимиз Муҳриддин Тилолов эса бронза медали учун франциялик Максим Гобертга, Достон Рўзиев (-60 кг) яна бир фаранг дзюдочиси Ромарик Боудага қарши татамига чиқди.

- 60 кг вазнда бронза медали учун: Достон Рўзиев (Ўзбекистон) - Ромарик Боуда (Франция) - Golden Score'да вазари очкоси эвазига;

- 66 кг вазнда бронза медали учун: Муҳриддин Тиловов (Ўзбекистон) - Максим Гоберт (Франция) - Шидолар эвазига;

- 66 кг вазнда олтин медали учун: Сардор Нуриллаев (Ўзбекистон) - Нурали Эмомали (Тожикистон) - Golden Score'да иппон очкоси эвазига.

Бронза медалини қўлга киритган Муҳриддин Тиловов ва Достон Рўзиев пул мукофотларидан ташқари, Париж-2024 Олимпия ўйинлари йўлидаги 500 рейтинг очкосига эга бўлди. Кумуш медални қўлга киритган Сардор Нуриллаев эса 700 рейтинг очкосини қўлга киритди.