12 мая 17:20
Новости

Бокс/ММА

Кечаги қонли жангдан кейин Достон Бозоровнинг юзи "ремонтада"га муҳтож бўлиб қолибди + ФОТО

"Ҳумо Арена"да ўтган Octagon 72 турнирининг асосий жангида ўзининг енгил вазндаги чемпионлик камарини муваффақиятли ҳимоя қилган Достон Бозоров Инстаграмдаги саҳифасига изоҳли сурат жойлади.

Аралаш яккакураш устамиз беш раунд тўлиқ давом этган жангда тожикистонлик даъвогар, рейтингнинг еттинчи поғонасида бораётган Фазлиддин Мадраҳимовни ҳакамларнинг якдил қарори билан мағлубиятга учратган эди.

Бозоров жойлаган суратида шундай ёзган: "Алҳамдулиллаҳ. Ҳаммага катта раҳмат. Халқим, "точка" қўйдим деб ўйлайман. Спорт соғлиқ гарови!"

Унинг спорт соғлиқ гарови дея смайлик қўйганини ҳазил сифатида тушуниш мумкин. Лекин нуқта қўйдим дегани бироз мавҳум. Балки, UFC`га ўтишига ишора қилгандир. Воқеалар ривожини кузатиб борамиз.