14 июн 11:34
Новости
Теннис
Кеи Нишикори икки йиллик танаффусдан сўнг қайтди
Пуэрто-Риконинг Пальмас-дель-Мар шаҳрида теннис бўйича "Челленжер" туркумига кирувчи турнир давом этмоқда.
2021 йилнинг октябрь ойидан бери мусобақаларда иштирок этмаётган Кеи Нишикори фаолиятини айнан шу турнирда қайта тиклади. Япониялик теннисчи ATP рейтингидан аллақачон чиқиб кетганди. У илк даврада дунёнинг 333-ракеткаси, америкалик Кристиан Лангмони 6/2, 6/4 ҳисобида мағлуб этди.
Бу теннисчиларнинг ўзаро ўтказган илк учрашуви эди. Ушбу баҳс 1 соату 44 дақиқа давом этган. Нишикори энди иккинчи босқичда яна бир америкалик теннисчи Митчелл Крюгерга қарши кортга чиқади.
Ссылка :
Источник : gotennis
Комментарии