Клаудио Раньери ўзгаришлар ҳақида фикр билдирди

"Мен ҳаммани огоҳлантиргандим: "Комо" билан ўйнаш тиш шифокорига боришга ўхшайди. Биз жуда кўп курашдик. Ўйин давомида йигитларда жуда секин ҳаракат қилишаётганини айтдим. Якунда улар бизга гол уришди. Шундан сўнг биз ўйинга қайтдик.

Ўзгаришлар? Мураббий ўйинни кўргани учун алмаштиришларни амалга оширади. Менда ўйинни ўзгартира оладиган футболчилар борлигини биламан. "Комо" охиргача кураш олиб борадиган жамоа. Нима ўзгарди? Ғалаба ишонч бағишлайди", — деди "Рома" устози.

Эслатиб ўтамиз, кеча "Рома" "Комо" устидан иродали ғалабага (2:1) эришганди. Бошланғич таркибда майдонга тушган "Рома"нинг февраль ойидаги энг яхши футболчиси танаффусда Добвикка алмаштирилганди. Айнан Добвик ғалаба тўпини киритган эди.