14 июн 10:50
Новости

Бокс/ММА

Конор Иржи Прохазканинг ғалабасига муносабат билдирди

Икки вазн тоифасида собиқ UFC чемпиони Конор МакГрегор яримоғир вазннинг янги чемпиони Иржи Прохазканинг тарихий ғалабасини беэътибор қолдирмади.

Чехиялик янги чемпион Сингапурда ўтган UFC 275 турнирининг марказий жанги якунланишига 28 сония қолган бир пайтда эндиликда собиқ камар соҳиби Гловер Тейшейрани бўғиш усули билан мағлуб этган эди.

"Paradigm Sports ҳамда Чехиянинг янги ва илк UFC чемпиони! Енгилмас самурай Иржи Прохазка! Бу қандай жанг! Қандай иштирок! Табригимни қабул қил!", - дея ижтимоий тармоқдаги саҳифасида хабар қолдирган ирландиялик.

Таъкидлаш жоиз, Конор МакГрегор ҳам, Иржи Прохазка ҳам АҚШда фаолият юритаётган Paradigm Sports менежерлик компаниясининг мижозлари ҳисобланишади.

Қизиғи шундаки, ўз вақтида RIZIN чемпиони бўлган 29 ёшли Иржи Прохазка ўзининг UFC промоушенидаги учинчи жангидаёқ камар соҳибига айланди.