30 ноя 09:55
Новости

Бокс/ММА

Конор Макгрегор Sky News телеканалини судга берди

Икки вазн тоифасида собиқ UFC чемпиони яна суд билан боғлиқ можаролар гирдобида қоладиган кўринади.

Ирландиялик 37 ёшли аралаш яккакураш устаси Sky News телеканалини туҳматда айблаб, судга мурожаат қилди. Бу ҳақда Middle Easy портали хабар бермоқда.

Маълумотларга кўра, Макгрегорнинг вакиллари 2024 йил ноябрь ойида Конор унга қарши жинсий зўравонлик иши кўриб чиқилаётган суд залидан чиқиб кетаётганида, Sky News мухбири унга "сиз зўравонсиз" иборасини ишлатганини таъкидламоқда. Макгрегор томонининг фикрича, бу ибора унинг обрўсига путур етказган, яъни жумла савол эмас, балки тасдиқ маъносида айтилган.

Суд жараёни Ирландияда бўлиб ўтади. Макгрегорнинг ўзи ҳозирча бу иш бўйича ҳеч қандай изоҳ бермади.