15 июл 16:20
Новости

Тхэквондо

"Корея Опен": Таэквондочилар илк кунда 2 та медаль қўлга киритишди

Хабар берганимиздек, бугун Корея Республикасининг Чунчеон шаҳрида таэквондо WТ бўйича катталар ўртасида G2 классификациясидаги "2025 Чунчеон Корея Опен" халқаро турнири старт олди.

Мусобақанинг илк кунида эркаклар 54 кг, 58 кг, 80 кг ва +87 кг, аёллар эса 46 кг, 53 кг, 62 кг ҳамда 67 кг вазн тоифаларида баҳс олиб боришди. Унда терма жамоамизнинг жами 7 нафар аъзоси даянгга кўтарилди. Якунда 54 кг вазн тоифасидаги Жаҳонгир Худойбердиев кумуш, аёллар ўртасида 62 кг вазнли Севинч Ҳайитова эса бронза медалларини қўлга киритишди.

Кумуш:

Жаҳонгир Худойбердиев (54 кг).

Бронза:

Севинч Ҳайитова (62 кг).

Беллашувлар эртага давом эттирилади.