11 окт 11:54
Новости

Теннис

Кори Гофф Ухан турниридаги юришини давом эттирмоқда

Дунёнинг тўртинчи ракеткаси Кори Гофф Хитойнинг Ухан шаҳрида ўтказилаётган WTA турнири ярим финал иштирокчисига айланди.

Америкалик иқтидор эгаси WTA рейтингида 45-поғонада бораётган польшалик Магда Линеттни ортиқча қийинчиликсиз мағлубиятга учратди - 6/0, 6/4. Теннисчиларнинг ўзаро иккинчи учрашувида ҳам Коко зафар қучди.

Саксон тўрт дақиқа давом этган баҳсда 2 та эйс, 4 та брейк қайд этиб, 8 та қўшхатога йўл қўйди. Гоффнинг ярим финалдаги рақибаси бироздан сўнг бошланадиган польшалик Магдалена Френх ва беларуслик Арина Соболенко учрашувида аниқланади.