04 дек 10:54
Новости

Бокс/ММА

Кроуфорд арзимас сабаб туфайли WBC чемпионлик камаридан маҳрум бўлди ва мутлақ чемпион унвонидан айрилди

Америкалик профессионал боксчи Теренс Кроуфорд Жаҳон бокс кенгаши (WBC) камаридан ва супер ўрта вазн тоифасидаги мутлақ чемпионлик унвонидан маҳрум қилинди.

Бунга боксчининг сўнгги иккита чемпионлик жанги — мексикалик Сауль Альварес ва ҳамюртимиз Исроил Мадримовга қарши беллашувлар учун WBC'га депозит тўловларини тўламагани сабаб бўлди.

WBC Кроуфорднинг Альварес билан жанги учун 50 миллион долларлик гонорар олгани ҳақида хабар берилганини ҳисобга олган ҳолда, унга 3% дан 0,6% гача чегирма берилганини маълум қилди.

"WBC Кроуфордга, унинг менежерига ва юридик маслаҳатчисига бир нечта хабарлар юборди. Афсуски, ташкилотимиз бу хабарларнинг ҳеч бирига на қабул қилингани ҳақида тасдиқнома, на жавоб олди. WBC'нинг шундай қарорга келишдан бошқа чораси йўқ эди", дейилади ташкилот баёнотида.

14 сентябрь куни Кроуфорд мексикалик Сауль Альваресни очколар ҳисобига кўра мағлуб этиб, супер ўрта вазн тоифасида (76,2 кг) мутлақ чемпионга айланган эди.

Энди ушбу дивизиондаги WBC камари вакант ҳисобланади. Камар учун британиялик Хамза Шираз ва Канада вакили Кристиан Мбилли баҳс олиб бориши белгиланди.