09 мар 09:16
Новости

Бокс/ММА

Кутганмидингиз? Генри Сехудо қайтаётганини эълон қилди

Икки вазн тоифасида собиқ UFC чемпиони Генри Сехудо фаолиятини қайта тиклашини маълум қилди.

Америкалик жангчи бу ҳақида маҳаллий телеканалларнинг бирига берган интервьюсида хабар берган.

"Болалар, сўнгги янгиликларни кузатиб боринг. Учталик чемпион қайтмоқда. Ўйлайманки, Ян ва Стерлинг ўртасида реванш жанги ўтказилади. Бу жанг албатта бўлиши керак. Кейин мен навбати билан уларнинг ҳар иккисини адабини бериб қўяман", — дея Сехудонинг сўзларини келтирмоқда The Sun нашри.

Эслатиб ўтамиз, Сехудо 2020 йилнинг май ойида UFC 249 турнири доирасидаги жангда Доминик Крусни мағлубиятга учратганидан сўнг фаолиятини якунлаганини эълон қилганди. 34 ёшли Сехудо эркин кураш бўйича 2008 йилги Олимпиада чемпиони ҳисобланади.