05 сен 10:03
Новости

Ла Лига. 2 та қизил кўрсатилган ўйинда “Валенсия” 5:1 ҳисобида зафар қучди (+жадвал)

Испания чемпионати 4-турида “Валенсия” ўз майдонида “Хетафе”ни қабул қилиб, 5:1 ҳисобида ғалабага эришди.

“Кўршапалаклар” сафида ҳимоячи Тони Лато, ярим ҳимоячилар Самуэль Диас Лино, Нико, ҳужумчилар Самуэль Кастильехо ҳамда Уго Дуро гол уришди. Рақиблардан ҳимоячи Педро Гастон Альварес Соса ўйиннинг охирги дақиқаларида жавоб тўпини киритди.

Шунингдек, жамоалар учрашувни 10 кишидан бўллиб якунлашди. Аввалига, мезбонлардан Илайс Мориба иккинчи сариқни олди, кейин эса Мауро Арамбарри майдондан четлатилди.

Ушбу ғалабадан кейин Женнаро Гаттузо шогирдлари очколари сонини 6 тага етказиб, турнир жадвалида 10-ўринга кўтарилди.

"Валенсия" – "Хетафе" 5:1 (3:0, 2:1)
"Месталья" стадиони
Голлар: 1:0 – 7 Тони Лато, 2:0 – 14 Лино, 3:0 – 16 Кастильехо, 4:0 – 65 Нико Гонсалес, 5:0 – 68 Дуро, 5:1 – 78 Альварес.
"Валенсия" – Мамардашвили, Тьерри Коррейя, Джемерт, Диакаби (Москера, 74), Тони Лато (Фулькье, 70), Гильямон, Нико Гонсалес (Алмейда, 70), Муса, Кастильехо (Мориба, 70), Маркос Андре (Дуро, 24), Лино.
"Хетафе" – Сория, Иглесиас, Джене (Митрович, 29), Дуарте, Анхилери, Аленья (Мунир, 46), Арамбарри, Сеоане (Альварес, 46), Унал (Мата, 77), Майораль, Порту (Максимович, 46).
Огоҳлантиришлар: Аленья (10), Арамбарри (41), Кастильехо (45), Майораль (54), Мунир (57), Митрович (71), Мориба (75).
Четлатишлар: Мориба (88), Арамбарри (90).