01 мая 12:58
Новости

Бокс/ММА

Лас-Вегасда ўтадиган яна бир UFC турнирининг марказий жанги тасдиқланди

UFC босслари 15 июль куни АҚШнинг Лас-Вегас шаҳрида ўтказиладиган UFC Fight Night турнирининг марказий жангини эълон қилишди.

Ярим ўрта вазн тоифасининг бразилиялик вакиллари - Рафаэль Дос Аньос ҳамда Висенте Луке ушбу турнирнинг асосий жангида бир-бирларига қарши октагонга кўтарилишади.

Енгил вазнда собиқ UFC чемпиони Рафаэль Дос Аньос ўтган йилнинг декабрь ойида ярим ўрта вазнга қайтиб, иккинчи раундда Брайан Барберенани сабмишн эвазига мағлубиятга учратганди.

Висенте Луке эса кетма-кет иккита жангида Белал Муҳаммад ва Жефф Нилга имкониятни бой бериб қўйган. Айни пайтда Луке UFC ярим ўрта вазн тоифасида рейтингида 10, Рафаэль Дос Аньос эса 9-ўринни эгаллаб турибди.