27 фев 11:34
Новости

Теннис

Laureus: Ига Свёнтек "Йил спортчиси", Кори Гофф "Йил кашфиёти" бўлишга даъвогар

Сайёрамизнинг биринчи рақамли теннис маликаси Ига Свёнтек Laureus World Sports томонидан "Йилнинг энг яхши аёл спортчиси" бўлишга номзодлар сафига киритилди.

2023 йилда польшалик теннисчи "Ролан Гаррос", йилинг Якуний WTA турнирларида чемпион бўлди. Йилни WTA рейтинги пешқадами сифатида якунлади.

Laureus соврини учун испаниялик футболчи Айтана Бонмати, ямайкалик спринтер Шерика Жексон, кениялик енгил атлетикачи Фейт Кипьегон, америкалик спринтер Ша'Карри Ричардсон ҳамда тоғ чанғиси бўйича АҚШ терма жамоаси аъзоси Микаэла Шиффрин ҳам даъвогарлие қилмоқда.

Бундан ташқари, US Open-2023 чемпиони Кори Гофф "Йил кашфиёти" йўналишида даъвогарлар сафига киритилди. "Реал" ҳужумкор ярим ҳимоячиси Жуд Беллингем, футболчилар Линда Кайседо ва Сальма Паральюэло, сузувчи Цинь Хайян ҳамда енгил атлетикачи Жош Керр Гоффнинг рақибалари ҳисобланади.

Laureus совринини топшириш маросими 22 апрель куни бўлиб ўтади.