22 июн 00:07
Новости
Бокс/ММА
Лазизбек Мулложонов ҳам WBC Гран-Приси чорак финалига йўл олди
Саудия Арабистонининг Ар-Риёд шаҳрида WBC Гран-приси доирасидаги нимчорак финал жанглари давом этмоқда.
Бугун турнир доирасида энг оғир вазн тоифасида жангларда иштирок этадиган ҳамюртимиз Лазизбек Мулложонов иккинчи босқич доирасида марокашлик Юнесс Баалага қарши жанг ўтказди.
6 раундга мўлжалланган жанг тўлиқ давом этди ва унда Лазизбек Мулложонов ҳакамларнинг якдил қарори билан ғалаба қозонди. Ҳар учала ҳакам Лазизбекнинг 60-54 ҳисобларида ғалаба қозонганини қайд этди.
Энди боксчимиз август ойида ўтказиладиган чорак финал баҳсларида иштирок этади.
Эслатиб ўтамиз, бунгача Мужибилло Турсунов ва Аюбхон Бахтиёров каби боксчиларимиз иккинчи босқичда ғалаба қозониб, чорак финал йўлланмасини нақд қилган эдилар.
Ссылка :
Источник : olamsport.com
Комментарии