06 авг 11:14
Новости

Бокс/ММА

Лазизбек Мулложонов ҳамда Миразизбек Мирзаҳалилов Усик билан бир кардда жанг қилиши мумкин

26 август куни Польшанинг Вротаслав шаҳрида жойлашган «Tarczyński Arena»да навбатдаги профессионал бокс оқшоми ўтказилади.

Мазкур оқшомнинг марказий жангида оғир вазн тоифасида IBO, WBO, IBF, WBA (Super) ва The Ring йўналишларида жаҳон чемпиони, украиналик Александр Усик (20-0) ҳамда британиялик 25 ёшли боксчи Даниэль Дюбуа (19-1-0) тўқнаш келади.

Инсайдер Жалол Аҳмедовнинг маълум қилишича, ушбу бокс оқшоми доирасида ўзбекистонлик боксчилар — Лазизбек Мулложонов (3-0) ҳамда Миразизбек Мирзаҳалилов (3-0) ҳам рингга кўтарилиши мумкин. Мулложоновга қозоғистонлик Нурсултан Аманжолов (5-0) рақиблик қилиши кутилмоқда.

Айни дамда боксчиларимизнинг виза билан боғлиқ ишлари давом этаётгани айтилмоқда.