Лазизбек Мулложонов рақиб топилмагани, кўпчилик томонидан кутилган Баҳодир Жалолов билан тўқнашув ҳақида гапирди

«Ўзбекистон чемпионатида 5 марта иштирок этдим, 3-бор чемпион бўлдим. Бу мусобақа Тошкентда бўлиб ўтадиган жаҳон чемпионати олдидан ўзимизни яна бир бор синовдан ўтазиб олиш имкониятини берди. Барчамизни ниятимиз - жаҳон чемпиони бўлиш. Ҳали ҳеч нарса аниқ эмас. Кимни рисқи қўшилган бўлса жаҳон биринчилигида ўша иштирок этади. 

Чемпионатда Баҳодир Жалолов билан тўқнаш келишимизни кўпчилик кутган эди? Баҳодир Жалолов Олимпиада чемпиони. Олимпиада бошқа даража. Баҳодир акамизга ҳавас қилган ҳолда, улар натижаларга етишишга ҳаракат қиламиз. 

Республика биринчилигида 2 та жанг ўтказдим. Шукурки, ҳар икки жанг ҳам яхши бўлди.

Проф боксдаги фаолиятим ҳам давом этади. 2 декабрь куни Лифт промотионс томонидан ташкил этилган бокс оқшомида жанг қилишим керак эди. Афсуски, қисқа муддат бўлганлиги учун рақиб топилмади. Насиб қилса, кейинги турнирларда иштирок этамиз», - деди, Лазизбек финал баҳсидан сўнг сайтимизга берган интервьюсида.