07 мар 14:39
Новости

Другие

Леброн Жеймс МБА тарихида яна бир ўзига хос натижа қайд этди

Миллий баскетбол ассоциацияси (МБА) Мунтазам чемпионат баҳслари давом этмоқда.

Учрашувларнинг бирида "Лос-Анжелес Лейкерс" клуби "Сакраменто Кингз" жамоасини қабул қилди. "Лейкерс" афсонаси Леброн Жеймс бошланғич таркибда паркетга чиқди ва бу билан у МБА тарихида ўйинлар ўтказиш бўйича тоза 6-ўринга кўтарилиб олди. Леброннинг МБАда ўтказган учрашувлари сони 1477 тага етди. Бу билан Жеймс баскетбол шон-шуҳрати Зали аъзоси Карл Мэлоун (1476)дан ўзиб кетди.

Роберт Пэриш МБАда энг кўп ўйин ўтказган баскетболчи ҳисобланади. Унинг ҳисобида 1611 та ўйин бор. Кучли учликдан Карим Абдул-Жаббар (1560) ва Винс Картер (1541) жой олган. 39 ёшли Леброндан аввалги ўринларни Дирк Новицки (1522) ва Жон Стоктон (1504) банд этган.