13 дек 08:45
Новости

Лэмпард кетма-кет иккинчи ой энг яхшиси бўлди

"Ковентри" бош мураббийи Фрэнк Лэмпард Чемпионшипда ноябрь ойининг энг яхши мураббийи бўлди.

47 ёшли мураббий кетма-кет иккинчи марта ушбу эътирофга лойиқ кўрилди. Бунга қадар у октябрь ойида ҳам энг яхши мураббий бўлганди.

"Ковентри" ўтган ойда 5 ўйинда 5 ғалаба қайд этди. Жамоа "Шеффилд" (3:1), "Сток Сити" (1:0), "Вест Бромвич" (3:2), "Мидлсбро" (4:2) ва "Чарльтон" (3:1) устидан ғалабалар қайд этди.

Лэмпард 2024 йил ноябрида ушбу жамоа бошқарувини қўлига олганди. Айни дамда унинг жамоаси 20 турда 44 очко тўплаган ҳолда турнир жадвалида пешқадамлик қилмоқда.