03 дек 10:16
Новости

Бокс/ММА

Леннокс Льюис тарихдаги буюк 5 боксчини санаб берди

Қизиғи шундаки, британиялик тилга олган чарм қўлқоп усталари орасида афсонавий Майк Тайсон ҳамда Александр Усикка жой топилмади.

Супероғир вазн тоифасида собиқ мутлақ жаҳон чемпиони, Халқаро бокс Шон-шуҳрат зали аъзоси Леннокс Льюис тарихдаги энг буюк боксчилар рўйхатини тузиб чиқди. У рўйхатнинг биринчи поғонасига афсонавий Муҳаммад Алини қўйган.

Льюис талқини бўйича тарихдаги энг буюк 5 боксчи:

1. Муҳаммад Али.

2. Жек Жонсон.

3. Марвин Хаглер.

4. Жорж Форман.

5. Жо Луис.

"Ўзим ҳам энг яхшилар рўйхатига кираманми? Ҳа, шубҳасиз, мен ҳам улар орасидаман", - дея Льюиснинг сўзларини келтиради hardrockbet портали.

Эслатиб ўтамиз, Леннокс Льюис сўнгги жангида украиналик Виталий Кличкога қарши рингга кўтарилган эди. Ушбу жанг 2003 йил 21 июнда Лос-Анжелес (Калифорния, АҚШ) шаҳрида бўлиб ўтганди. Аслида ўшанда Леннокснинг рақиби Кирк Жонсон бўлиши керак эди, аммо у жангдан бир неча ҳафта олдин жароҳати туфайли сафдан чиққанди. Унинг ўрнини украиналик Виталий Кличко эгаллаганди. Жанг олтинчи раундда Леннокснинг техник нокаутли ғалабаси билан якунланган эди (жанг Виталий Кличконинг қоши ёрилиши сабабли тўхтатилган).