28 мая 13:19
Новости

Бокс/ММА

Ли Вуд чемпионлик камарини қайтариб олди

Буюк Британиянинг Манчестер шаҳрида профессионал бокс кечаси бўлиб ўтди.

Британиялик 34 ёшли Ли Вуд ярименгил вазн тоифасида WBA чемпионлик камарини қайтариб олди. У реванш жангида мексикалик 25 ёшли Маурисио Ларани очколар ҳисобига кўра мағлубиятга учратди. Вуд 12 раунд тўлиқ давом этган жангда ҳакамларнинг якдил қарори - 116-111, 119-108, 119-108 ҳисобларида ғалаба қозонди. Лара иккинчи раундда нокдаун ҳолатига ҳам тушиб қолди.

Таъкидлаш жоиз, шу йилнинг февраль ойида Британиянинг Ноттингем шаҳрида ўтган бокс оқшомида Лара Ли Вудни техник нокаут эвазига таслим этган эди. Жанг якунланганидан сўнг Вуд собиқ жаҳон чемпиони Жош Уоррингтон ҳамда амалдаги IBF чемпиони Луис Лопесга қарши рингга чиқиш истаги борлигини маълум қилди.