22 ноя 08:46
Новости

Луис Диас ЕЧЛ ўйинларидан дисквалификация қилинди

Луис Диас "Бавария"нинг Европа Чемпионлар Лигасидаги учта ўйинида майдонга туша олмайди.

Мюнхенликлар вингери ПСЖ ҳимоячиси Ашраф Ҳакимига нисбатан фол ишлатди ва биринчи бўлимнинг ўзидаёқ четлатилди. Ҳакимининг ўзи эса шу боисдан икки ойга сафдан чиқди.

УЕФА эса Диасни 3 ўйинга четлатиш чорасини қўллади. Шу орқали у "Арсенал", "Спортинг" ва "Юнион"га қарши ўйинларни ўтказиб юборади.

"Бавария" эса ушбу ҳолат учун тушунтириш сўради ва шикоят билдирмоқчи эканлигини маълум қилди. Венсан Компани эса интервьюда унинг фақатгина бир ўйинга четлатилишини кутаётганини айтганди.