29 мая 08:47
Новости
Бокс/ММА
Люк Кэмпбелл: "Ломаченко 3-4 йил олдинги ҳолатида Хэйнини осон мағлуб этган бўларди"
Олимпиада чемпиони, профессионал бокс бўйича жаҳон титулига давогар британиялик Люк Кэмпбелл енгил вазн тоифасида Василий Ломаченко ҳамда Дэвин Хэйни ўртасидаги жанг ҳақида тўхталди.
"Агар жанг менга қарши бўлганида, барчаси бошқача кечарди. Чунки Василий иккимиз ҳам чапақаймиз. Ломаченконинг жангини диққат билан томоша қилдим, у 3-4 йил олдинги ҳолатида эмас.
Ўшанда у сайр қилиб, ғалаба қозонарди. Ўша ҳолатида бўлганида ҳам балки Хэйни унга муаммолар келтириб чиқарарди, бироқ Ломаченко осонлик билан ғалаба қозонган бўларди", - деди Кэмпбелл.
Эслатиб ўтамиз, Хэйни ва Ломаченко ўртасидаги жанг 21 май куни Лас-Вегасда бўлиб ўтган ва унда америкалик боксчи 116-112, 115-113, 115-113 ҳисобларида ғалаба қозонганди.
Ссылка :
Источник : Boxing News
Комментарии