Маддалена Махачевга "сюрприз" тайёрламоқда: "Мен уни ҳайратда қолдира оламан"

"У грепплингда яхши ва эҳтимол, мени партерда якунлашга ҳаракат қилади. Лекин мен уни бу борада ҳайратда қолдира оламан деб ўйлайман. Биз унинг "А" режаси учун уни чалғитадиган тўғри техникани тайёрладик. Мен совуққонлик билан ҳаракат қиламан ва жангни "стойка"да, яъни тик ҳолатда олиб бора оламан деб ўйлайман. Ишонаманки, бу жангнинг катта қисми тик ҳолатда ўтади ва бу унинг учун сюрприз бўлади", - деди австралиялик Денан Кемпга берган интервьюсида.

Шунингдек, чемпион 15 ноябрь куни Нью-Йоркдаги машҳур Madison Square Garden аренасида бўлиб ўтадиган UFC 322 турнирининг ўзи иштирокидаги асосий жангини қандай тасаввур қилишини айтиб ўтди.

"Мен уни қандай якунлаётганимни кўряпман. Оломон ғазабланмоқда, мен эса ўз бурчагимга ўгирилиб, уларнинг ҳаммаси ақлдан озаётганини кўраман", - дея қўшимча қилди Маддалена.