09 апр 19:32
Новости

Бокс/ММА

Мадримовнинг вазнида мағлубиятсиз одимлаётган қозоқ боксчиси навбатдаги жангини ўтказади

Проф бокснинг супер яримўрта вазн тоифасида фаолият олиб бораётган қозоғистонлик Садриддин Аҳмедов рингга қайтмоқда.

У 19 апрель куни АҚШнинг Калифорния штати, Коммерс шаҳрида ташкил этиладиган проф бокс оқшоми доирасида Мексика вакили Элиас Эспадасга қарши рингга кўтарилади. Жанг 10 раунд этиб белгиланган.

27 яшар Садриддин учун бу фаолиятидаги 16-жанг бўлади. У бундан аввалги жангларининг барчасини ғалаба билан якунлаган (13 КО). 34 ёшли Эспадас ҳисобида эса 23 та ғалаба ва 6 та мағлубият бор. Мағлубиятларидан бирини 2022 йилда таниқли Ксандер Заясдан қабул қилиб олган.

Садриддин сўнгги жангини ўтган йилнинг декабрь ойида супер ярим ўрта вазн тоифасидаги ўзбекистонлик WBA собиқ чемпиони Исроил Мадримов мағлуб этган Рафаэль Игбоквега қарши ўтказиб, нокаут эвазига ғолиб бўлганди.