Магнус Карлсен блиц бўйича ЖЧга кеч қолди, у джинси шимда келди

Аввалроқ норвегиялик жаҳон чемпиони джинси шимларини алмаштиришни истамай, мусобақадаги иштирокини давом эттиришдан воз кечганди. 

Бироқ, кейинчалик, Халқаро шахмат федерацияси қоидаларни ўзгартирди, Карлсен эса блиц бўйича ЖЧда қатнашишга рози бўлди. 

Бугун бошланган ЖЧда Карлсен ўз одатига кўра матчга яна кеч келди. Мусобақага джинси шимда келган норвегиялик шахматчи якунда барибир партияни ўз фойдасига ҳал қолди. 

"Менга хотиржам бўлиб олиш учун бироз вақт керак эди. Умид қиламанки, энди барчаси яхши бўлади", - деди Карлсен.