29 дек 09:27
Новости

Шахматы

Магнус Карлсен, Нодирбек Абдусатторов ва бошқа шахматчилар рапид турниридан қанча ишлаб олгани маълум бўлди

Кеча Самарқандда давом этаётган шахмат бўйича Жаҳон чемпионатида рапид йўналишидаги беллашувлар якуланган эди.

Умумий мукофот жамғармаси 350.000 $ бўлган эркаклар ўртасидаги мусобақада норвегиялик амалдаги чемпион Магнус Карлсен ғолиб бўлди. У биринчи ўрин учун 60.000 $ пул мукофотига эга бўлди.

Иккинчи ўринни қўлга киритган словениялик Владимир Федосеев 50.000 $ ҳамда учинчи поғонадаги Хитой вакили Ю Янг Йи 40.000 $га эга бўлди.

Ўзбекистонлик шахматчилар орасида энг яхши натижани қайд этиб, 11-ўриндан жой олган Нодирбек Абдусатторов эса турнир орқали 5.000 $ ишлаб олди. 30-поғонадаги ҳамюртимиз Жаҳонгир Воҳидов ташкилотчилар томонидан 1.500 $ пул мукофоти билан тақдирланади.