Магомед Анкалаев Алекс Перейра билан чемпионлик реваншидаги мағлубиятига илк бор изоҳ берди

У кеча АҚШнинг Невада штати, Лас-Вегас шаҳрида ўтказилган UFC 320 турнирининг марказий жангида Перейрага техник нокаут орқали имкониятни бой бериб, ярим оғир вазн тоифасидаги чемпионлик камаридан айрилганди.

"Агар Аллоҳ мени мағлубият билан синаб кўрган бўлса, демак, У мени қувватлантирмоқчи. Унинг иродасига таъзим қиламан, лекин қийинчиликларга эмас. Ёнимда қолганларга раҳмат. Юрганларга ҳам раҳмат. Ахир Аллоҳ нафақат заифликдан, балки кераксиз одамлардан ҳам йўлни тозалайди", деб ёзган Анкалаев ижтимоий тармоқлардаги саҳифасида.