28 фев 14:05
Новости
Бокс/ММА
Магомед Курбанов Мадримов билан жанг олдидан: "Анчадан бери бундай мотивацияга эга бўлмагандим"
Исроил Мадримовнинг бўлажак рақиби, россиялик Магомед Курбанов боксчимизга қарши жанг олдидан ўз фикрларини билдириб ўтди.
"Ҳислар ажойиб. Жуда яхши эмоцияларга эгаман. Ҳали тайёргарлик жараёни давом этмоқда. Жанг ҳали эълон қилинмаган пайтдаёқ ўзимни яхши ҳис қилаётгандим. Яхши машғулотлар ўтказдим ва бу жанг бўлишига ишонгандим. Мана ниҳоят, бу амалга ошади.
Анчадан бери бундай мотивацияга эга бўлмагандим. Қийинчиликлар бўлмади, менда барчаси жойида. Ишонган ҳолда меҳнат қилдим ва бу энди амалга ошади.
Америкада спарринглар қилдик ва мана бир неча кундан бери Дубайдамиз. Жангга бир ҳафта қолганида Саудия Арабистонига йўл оламан", - деди Курбанов.
Эслатиб ўтамиз, Исроил Мадримов - Магомед Курбанов жанги 8 март куни Саудия Арабистонида ўтказилади. Баҳс WBA камари учун ўтказилади.
Кечанинг асосий жангида Энтони Жошуа Фрэнсис Нганну билан тўқнаш келади.
Ссылка :
Источник : championat.com
Комментарии