18 мар 09:54
Новости

Бокс/ММА

Макгрегор UFC билан нечта жангга шартномаси борлигини очиқлади

Икки вазн тоифасида собиқ UFC чемпиони ташкилот билан яна нечта жангга шартномаси борлигини маълум қилди.

Ирландиялик аралаш яккакураш устаси қачон октагонга қайтиши ҳақидаги саволга ҳам жавоб берди.

"UFC билан шартномамда яна иккита жанг қолган. Ҳозир промоушен билан музокара олиб боряпман. Лекин айни пайтда бор эътиборим менинг иштирокимдаги "Уй ёнидаги йўл" фильмининг тарғибот ишлари ҳамда Авлиё Патрик кунини нишонлашга қаратилган. Шу ишлар якунига етгач, кейин октагон қайтиш ҳақида бош қотирсам бўлади. Мен буни жуда ҳам истаяпман. Олдинда 2024 йилнинг катта қисми турибди", — дея Макгрегорнинг сўзларини келтирмоқда MMA Fighting.

Эслатиб ўтамиз, Конор сўнгги бор 2021 йилнинг ёзида октагонда кўриниш берган ва ўшанда Дастин Порьега ютқазиб қўйганди. Аввалроқ Макгрегор кейинги жангини 29 июнь куни Майкл Чендлерга қарши ўтказишини айтганди.