05 окт 15:17
Новости

Манчестер жамоалари "Бавария" футболчиси учун курашмоқчи

"Бавария" ярим ҳимоячиси Александар Павлович фаолиятини АПЛд давом эттириши мумкин.

21 ёшли футболчига "Манчестер Сити" ва "Манчестер Юнайтед" жиддий қизиқиш билдирмоқда. Англия жамоалари футболчининг трансфери учун 70-80 миллион еврога яқин пул сарфлашга тайёр.

Футболчи учун курашда "Манчестер Сити"нинг имкониятлари юқорироқ баҳоланмоқда. Сабаби "шаҳарликлар" бош мураббийи Пеп Гвардиола Павловични Родрига ўринбосар сифатида кўрмоқда.

Маълумот учун, Александар "Бавария" футбол тизимида 2011 йилдан бери фаолият олиб боради. У асосий жамоада 62 та учрашувда майдонга тушган. Унинг ҳисобида 4 та гол ва 3 та голли узатма бор. Трансфермаркт нашри футболчини 55 миллион еврога баҳолаган.