22 авг 16:28
Новости

"Манчестер Сити" Ҳусановнинг рақобатчиси билан шартномани узайтирди

Португалиялик футболчи Рубен Диаш "Манчестер Сити" билан ҳамкорлик қилишда давом этади.

Бу ҳақда "шаҳарликлар" матбуот хизмати маълум қилди. 28 ёшли ҳимоячи билан тузилган янги шартнома 2029 йилнинг ёзига қадар амал қилади.

"Мен ниҳоятда бахтиёрман. Мен бу буюк клуб вакили эканлигимдан жуда фахрланаман. Клуб амбициялари меникига тўлиқ мос келади, футболчи учун бундан яхшироқ нарса йўқ", – деди Диаш.

Диаш 2020 йилнинг сентябрида Португалиянинг "Бенфика" жамоасидан келиб қўшилган. У "шаҳарликлар" билан 10 та совринни қўлга киритган.