10 апр 16:40
Новости

Теннис

Мария Боготада чемпионлик унвонини ҳимоя қилди

Колумбиянинг Богота шаҳрида ўтказилган WTA турнири якунланди.

Мусобақанинг амалдаги ғолибаси Татьяна Мария бу сафар ҳам тенгсиз эканини амалда исботлади. Германиялик 35 ёшли теннисчи финал учрашувида WTA рейтингининг 116-поғонасида бораётган америкалик Пейтон Стирнсни 6/3, 2/6, 6/4 ҳисобида мағлубиятга учратди.

Бу дунёнинг 66-ракеткаси учун фаолиятидаги учинчи соврин бўлди. Шундан иккитасини айнан Боготада қўлга киритган. Copa Colsanitas presented by Zurich турниридаги муваффақиятли иштирок Марияга 280 рейтинг очкоси ҳамда 34,228 доллар мукофот пули келтирди.