22 ноя 07:43
Новости

Теннис

Мария Тимофеева Люксембург турнири 1/2 финалида ўйнайди

Ўзбекистоннинг биринчи ракеткаси Люксембургнинг Петанж шаҳрида давом этаётган теннис бўйича ITF W75 турнирида муваффақиятли одимламоқда.

Теннисчимиз 1/4 финалда WTA рейтингида 231-поғонада бораётган германиялик Мона Бартелни ортиқча қийинчиликсиз 6/3, 6/0 ҳисобида мағлубиятга учратди. Учрашув 65 дақиқа давом этган. Бу теннисчиларнинг ўзаро иккинчи учрашуви бўлди. Ўтган йили Валенсия турнирида Мария баҳсни якунига етказа олмаганди.

Маълумот учун, 22 ёшли Мария Тимофеева ҳозирда WTA рейтингида 151-ўринни эгаллаб турибди. Турнирда олтинчи рақам остида таснифланган вакиламиз бугун 1/2 финалда бельгиялик Елине Вандроммега қарши кортга чиқади. 18 ёшли Елине WTA рейтингида 473-поғонада бормоқда. Тимофеева - Вандромме учрашуви бугун бизнинг вақт билан соат 20:30да бошланади.