Марракеш. Карбальес-Баэна 5 йил деганда чемпион бўлди

Дунёнинг 82-ракеткаси бўлиб турган Баэна 3 дақиқаси кам 3 соат давом этган финал учрашувида ATP рейтингида 126-поғонадан жой олган франциялик Александр Мюллерни 4/6, 7/6(3), 6/2 ҳисобида мағлубиятга учратди. Бу теннисчиларнинг ўзаро ўтказган иккинчи учрашуви эди - 2:0. 

Карбальес-Баэна финал баҳс давомида 2, Мюллер эса 8 та эйс зарбани амалга оширган. Қўшхатолар Александрда кўпроқ бўлди 2 га 5. Карбальес-Баэна 2018 йилдан буён илк совринини қўлга киритди. У 250 рейтинг очкоси ҳамда 85,605 евро мукофот пулига эга бўлди. Мюллер эса бир ҳафталик меҳнатидан 150 балл ҳамда 49,940 евро ишлаб олди.