30 июн 09:34
Новости
Теннис
Маррей "Лэйвер Кубоги"да иштирок этади. У Федерер ва Надаль билан бир жамоада бўлади
Британиялик теннисчи Энди Маррей ўз фаолиятида илк бор 23-25 сентябрь кунлари Лондонда бўлиб ўтадиган "Лэйвер Кубоги"да иштирок этади.
У аллақачон таркибида Рожер Федерер ва Рафаэль Надаль бўлган Европа жамоасининг бир қисмига айланди. Яна уч нафар иштирокчининг номи кейинроқ эълон қилинади.
"Менга жамоанинг бир қисми бўлиш ёқади ва бундан ташқари, бу турнир ажойиб муҳитга ҳам эга. Мен "Лейвер Кубоги" ҳақида жуда кўп яхши гаплар эшитдим. Қолаверса, Рожер ва Рафа билан Европа терма жамоасида ўйнаш ажойиб бўлади", - дея Маррейнинг сўзларидан иқтибос келтиради BBC.
Жаҳон жамоаси таркибидан Феликс Оже, Тейлор Фритц ва Диего Шварцман ўрин олган. Қолган уч теннисчининг номи ҳозирча номаълум.
Ссылка :
Источник : gotennis
Комментарии