25 июн 12:16
Новости

Дзюдо

Матниязова Улан-Батор "Катта Дубулға" турнири бронза медали учун татамига чиқади

Мўғулистон пойтахти Улан-Батор шаҳрида "Катта Дубулға" туркумига кирувчи нуфузли турнирнинг иккинчи кунги саралаш беллашувлари якуни сари яқинлашмоқда.

Бироз аввал Гулноза Матниязова ярим финал учрашувида татамига чиқди. -70 кг вазн тоифасидаги тажрибали дзюдочимиз Токио Олимпиадасининг бронза медали соҳибаси, россиялик Мадина Таймазовага қарши кечган беллашувда имкониятни бой бериб қўйди.

Энди Гулноза кечки финал беллашувлари дастурида қозоғистонлик Зере Бекташкизига қарши татамига чиқади. Зере ўтиш баҳсида яна бир ҳамюртимиз Шоҳиста Назаровадан устун келганди.