13 дек 14:11
Новости

Теннис

Маттео Берреттини - ATP "Йил қайтиши" номинацияси ғолиби!

Профессионал теннисчилар Ассоциацияси (ATP) "Йил қайтиши" номинацияси бўйича ғолиб номини эълон қилди.

Мавсум якунларига кўра рейтингнинг 34-поғонасигача кўтарилган Маттео Берреттини сўровномада биринчи ўринни эгаллади. Италиялик ракетка устаси ушбу номинация сўровномасида Марин Чилич (Хорватия) ва Кеи Нишикори (Япония)ни ортда қолдирди.

Маълумот учун, Маттео 2024 йилги теннис мавсумида 49 та учрашув ўтказиб, уларнинг 36 тасида ғалаба қозонди. Берреттини Марракеш, Гштад ва Китцбюэл турнирларида бош совринни қўлга киритди. Штутгартдаги турнирда эса финалга қадар етиб борди. Январь ойидан то шу кунгача 918 000 АҚШ доллари миқдоридаги мукофот пулини қўлга киритди.