12 июн 08:23
Новости
Теннис
Маттео Берреттини Штутгартдаги турнирнинг илк финалчисига айланди
Германиянинг Штутгарт шаҳрида бўлиб ўтаётган ATP таснифига кирувчи турнирнинг илк финалчиси аниқланди.
Сайёрамизнинг ўнинчи ракеткаси италиялик Маттео Берреттини турнирнинг ярим финалида АТР рейтингида 61-поғонани эгаллаб турган германиялик Оскар Оттени тай-брекларда мағлуб этди - 7/6, 7 /6.
Учрашув 1 соату 48 дақиқа давом этди. Ўйин давомида спортчилар 18 тадан эйс амалга оширишди, аммо бирорта ҳам брейк қайд этишмади. Шу билан бирга, 26 ёшли Берреттини тўпни ўйинга киритишда хатога йўл қўймаган бўлса, 28 ёшли рақиби иккита қўш хатони қайд этди. Спортчиларнинг ўзаро учрашувларида ҳисоб италиялик теннисчи фойдасига йирик кўринишга келди, 3:0.
Штутгартдаги мусобақа финалида Берреттини британиялик Энди Маррей ёки австралиялик Ник Киргиосга қарши баҳс олиб боради.
Ссылка :
Источник : gotennis.ru
Комментарии