08 июн 20:18
Новости

Бокс/ММА

Мавлуд Тифиев эртанги жанги олдидан тарозидан ўтди + ФОТО

Эртага Таиланд пойтахти Бангкок шаҳридаги Lumpinee Boxing Stadium'да ONE Fight Night 11 турнири бўлиб ўтади.

Биз учун аҳамиятлиси, ушбу турнирда ONE FC промоушенида ишончли ҳаракат қилаётган ўзбекистонлик Мавлуд Тифиев ҳам жанг қилади. Ҳамюртимизга таиландлик Йод Саенчай рақиблик қилади. У шу пайтга қадар битта жанг ўтказиб, ғалаба қозонган. 21 ёшли Саенчай шу йилнинг 24 март куни бельгиялик Самуэль Биэленни иккинчи раундда техник нокаутга учратган эди.

Бугун жангчилар тарозидан ўтиш маросимида иштирок этишди. Тифиев 65,7 кг вазн кўрсатиб, белгиланган меъёрни бажарди. Мавлуд ўзининг сўнгги жангида россиялик Алаверди Рамазановни мағлуб этганди. Эртанги жанг Мавлуд Тифиев учун ONE FC промоушенидаги учинчиси бўлади.