29 ноя 10:20
Новости

Бокс/ММА

Махачев Волкановски - Лопес реванш жангига изоҳ берди

Ислам Махачев UFC’нинг ярим енгил вазн тоифаси рейтингида биринчи ўринни эгаллаб турган Мовсар Евлоевни "ўйиндан ташқари" ҳолатда қолдириб кетган жангнинг белгиланишига муносабат билдирди.

UFC промоушени рейтингда биринчи ўринни эгаллаб турган россиялик Мовсар Евлоевнинг Александр Волкановскига рақиб бўлишини истамади, аксинча австралияликка яна Диего Лопесни берди.

Ислам Махачев ижтимоий тармоққа австралиялик мураббий Жо Лопеснинг сўзларини жойлаштириб, ушбу янгилик чемпион жамоаси учун катта "сюрприз" бўлганини маълум қилди.

"Диего билан яна жанг қилаётганимизни билганимизда ҳайратда қолдик. Ҳурмат билан айтганда, Мовсар Евлоев ва Лерон Мёрфи бунга кўпроқ лойиқ эди", - деди австралиялик мутахассис.

"Шокнинг ўзи ҳам шокда", - дея изоҳ берди Махачев мураббийнинг сўзларига.

Аввалроқ дунёнинг энг кучли лигаси раҳбари Дана Уайт ярим енгил вазн тоифасида Александр Волкановски ҳамда Диего Лопес ўртасидаги чемпионлик жанги 31 январь куни Сиднейда бўлиб ўтадиган UFC 325 турнирининг асосий тўқнашуви бўлишини эълон қилганди.