08 ноя 08:25
Новости

Бокс/ММА

Махачев Хабибга мурожаат қилди: "Сендан жуда чарчадик"

Енгил вазн тоифасида UFC чемпиони Ислам Махачев мураббийи Хабиб Нурмагомедовга мурожаат қилди.

"Тўғрисини айтсам, сўнгги икки ой давомида Хабиб сендан жуда чарчадик. Лекин жанглардан сўнг сендан жуда миннатдормиз, ака", — деб ёзади Махачев ижтимоий тармоқдаги саҳифасига Хабиб ва Абубакар Нурмагомедовлар билан бирга тушган суратини жойлаб.

"Шунчаки бу бўлиши керак эди", - дея Исламга жавоб қайтарган собиқ UFC чемпиони хабар изоҳида.

Аввалроқ, Америка кикбоксинг академияси раҳбари ва Ислам Махачевнинг мураббийи Хавьер Мендес Хабиб Нурмагомедов ўз жамоасида тартиб-интизомни сақлаб, жангчилардан телефонларни олиб, уй қамоғига қўйишини айтган эди.

Эслатиб ўтамиз, 22 октябрь куни Абу-Дабида бўлиб ўтган UFC 280 турнирида Ислам Махачев Чарльз Оливейрани мағлуб этиб, енгил вазн тоифасида чемпионликни қўлга киритган эди.