29 мар 13:00
Новости

Теннис

Майами (ATP). Новак Жокович финалда, у 100-совринига яқин!

АҚШнинг Майами шаҳрида "Мастерс" сериясига кирувчи турнир бўлиб ўтмоқда.

Дунёнинг бешинчи ракеткаси Новак Жокович ортиқча қийинчиликсиз финал йўлланмасини қўлга киритди. Сербиялик тажрибали теннисчи 1/2 финалда ATP рейтингида 15-поғонадан жой олган болгариялик Григор Димитровни 6/2, 6/3 ҳисобида мағлубиятга учратди.

Теннисчиларнинг ўзаро учрашувларидаги ҳисоб ўта йириклашиб кетди - 13:1. Етмиш бир дақиқа давом этган баҳсда Жокович 5, Димитров 3 та эйс зарбасини амалга оширган. Қўшхатолар 3 га 1 кўринишда Григор, брейклар эса 4 га 1 нисбатида Новак фойдасига ҳал бўлди.

Шу тариқа, Новак Жокович фаолиятидаги 100-соврини учун кортга чиқадиган бўлди.