Майк Тайсон қайси жанг фаолиятидаги энг қийини бўлганини айтди

Майк айтган жанг 1987 йилнинг 30 май куни Лас-Вегас (АҚШ) шаҳрида бўлиб ўтган ҳамюрти Пинклон Томасга қарши жанг бўлиб чиқди. Ўшанда 20 ёшли Тайсон олтинчи раундда техник нокаут эвазига ғалаба қозониб, WBC ва WBA чемпионлик камарларини ҳимоя қилганди.

“Менимча, бу Пинклон Томас эди, у менинг энг қийин рақибим бўлган. Мен бу ҳақда ўйламаган эдим, лекин икки йил олдин дўстим менга кўрсатган видеони кўриб чиқдим. Мен унинг юзига 17 марта зарба бердим ва у йиқилди, лекин бу 17 та зарбадан кейин эди! 

Бу зарбаларнинг барчаси имкон қадар кучли бўлган ва у охирги зарбадан кейингина хушини йўқотди. Ва мен ўйладим: Бу менинг энг қийин жангим, у жағ қисмига берилган 17 та зарбага бардош берди!". 

Бу ҳақда Тайсон History Bites YouTube каналига берган интервьюсида айтиб ўтди.