22 мая 17:35
Новости

Бокс/ММА

Мэнни Пакьяо: "Келинг, тарих яратамиз"

8 та вазн тоифасида собиқ жаҳон чемпиони бўлган 46 ёшли филиппинлик Мэнни Пакьяо ўз саҳифасида янги пост қолдирди.

Унда WBC талқини бўйича яримўрта вазнида жаҳон чемпионлиги учун жорий чемпион Марио Барриосга қарши жанг учун тайёрланган расмий постерни жойлаштирди.

"Мен қайтяпман. 19 июль куни мен MGM Grand (Лас-Вегас) аренасида WBC чемпиони Марио Барриосга қарши рингга чиқаман. Келинг, тарих яратамиз!" — деб ёзди Пакьяо.

Эслатиб ўтамиз, Пакьяо ва Барриос ўртасидаги жанг 19 июль куни Лас-Вегасдаги бокс кечасининг марказий тўқнашуви бўлади.