16 мар 19:35
Новости
Бокс/ММА
Мэнни Пакьяо қачон ва қаерда фаолиятини давом эттириши маълум бўлди
Саккиз вазн тоифасида собиқ жаҳон чемпиони, 2021 йил августида спортни тарк этганини эълон қилган Мэнни Пакьяо яна жанг ўтказишни режалаштирмоқда.
Бу ҳақда MP Promotions президенти Шон Гиббонс маълум қилди.
Гиббонснинг сўзларига кўра, Пакьяо ярим ўрта вазнда Конор Беннга қарши жанг ўтказиш учун музокаралар олиб бормоқда. Ушбу жанг 3 июнь куни Абу-Дабида бўлиб ўтиши режалаштирилган. Бенн ўзининг жавоб жанги учун яна иккита рақибни ҳам кўриб чиқмоқда: Келл Брук ва Крис Юбанк.
Эслатиб ўтамиз, Мэнни Пакьяо сўнгги жангини 2021 йилда ўтказган ва WBC чемпионлиги учун бўлиб ўтган баҳсда кубалик Йорденис Угасга мағлуб бўлган. Шунингдек, ўтган йили у Филиппин президентлигига номзодини қўйган ва ютқазган.
Шу йилнинг январь ойида Пакьяо Япониянинг ММА промоутерлик компанияси Rizin FF билан шартнома имзолагани ҳақида хабар берилган эди.
Ссылка :
Источник : championat.com
Комментарии