01 июн 12:50
Новости

Бокс/ММА

Мэнни Пакьяо ва Марио Барриос илк face to face маросимида иштирок этишди

Хабарингиз бор, саккиз вазн тоифасида собиқ жаҳон чемпиони афсонавий Мэнни Пакьяо бир неча йиллик танаффусдан сўнг фаолиятини қайта тиклаганини эълон қилганди.

Филиппинлик 46 ёшли боксчи 20 июль куни яримўрта вазн тоифасида WBC чемпиони америкалик Марио Барриосга қарши рингга кўтарилади. Боксчилар илк face to face маросимида ҳозир бўлишди ва ташкил этилган матбуот анжуманида саволларга жавоб қайтаришди.

WBC ташкилоти Мэнни Пакьяони рейтингда Топ-10`таликка киритгани ва унга чемпионлик жанги бергани учун яхшигина танқид ёмғири остида қолиб кетганди.

Маълумот учун, Мэнни проф боксдаги сўнгги расмий жангини 2021 йилнинг август ойида ўтказганди. Ўшанда у кубалик Йорденис Угасга очколар ҳисобига кўра ютқазиб қўйган эди. Пакьяо проф рингда жами 72 та жанг ўтказиб, 62 ғалаба (39 таси муддатидан олдин), 8 мағлубият ва 2 дуранг натижа қайд этган.