16 янв 16:16
Новости

Месси 17-марта ФИФА рамзий жамоасидан жой олди

Теги : Месси

Кеча ФИФА The Best 2023 совринини топшириш маросими бўлиб ўтди.

"Интер Майами" ҳужумчиси Лионель Месси йил рамзий терма жамоасига киритилди. Шу тариқа, аргентиналик футболчи фаолияти давомида 17-марта сайёрамизнинг энг яхши 11 нафар футболчиси рўйхатига киришга муваффақ бўлди. 36 ёшли футболчи 2007 йилдан бери доимий равишда ФИФА рамзий терма жамоасига киритиб келинмоқда.

Эслатиб ўтамиз, Месси 2023 йилда "France Football" нашрининг "Олтин тўп" совринини ҳам қўлга киритди ва бу унинг фаолиятидаги саккизинчиси бўлди. Лионель бу йилда ПСЖ билан Франция чемпиони бўлди, Франция Суперкубогини қўлга киритди ва "Интер Майами"га клуб тарихидаги илк соврин – Лига Кубогини олиб келди.

Аввалроқ ФИФА талқини бўйича 2023 йил рамзий терма жамоаси эълон қилинганди. Унга "Манчестер Сити"нинг бирданига 6 нафар футболчиси кирди.

Ссылка :

Источник : FIFPro

Рейтинг: