01 ноя 09:46
Новости

Месси кейинги йилларда кимлар «Олтин тўп» учун курашишини айтди

Лионель Месси «Олтин тўп»ни 8-марта қўлга киритгач, келажакда кимлар қўлга киритиши мумкинлиги ҳақида гапирди.

«Сўнгги йилларда «Олтин тўп»га даъвогар ўйинчилар пайдо бўлганини кўрдик. Яқин йилларда соврин учун Ҳоланд, Мбаппе ва Винисиус сингари ўйинчилар ўртасида шиддатли кураш кечса ажаб эмас.

«Олтин тўп» учун курашадиган ёш ўйинчилар ҳам бор. Ламин Ямал ҳали жуда ёш, аммо «Барселона» сафида яхши ўйинлар кўрсатмоқда. У ҳам яқин келажакда даъвогарга айланиши мумкин.

Аминманки, ҳали соврин учун курашадиган янги номлар пайдо бўлади. Бу янги давр бўлади ва бу бошланмоқда», - дейди аргентиналик ҳужумчи.