16 янв 13:25
Новости

Месси ва Холанднинг овозлари тенг эди. Нега унда The Best'ни аргентиналик олди?

Бугун тунда Лионель Месси яна бир бор ФИФАнинг энг яхши ўйинчиси бўлди.

Қизиғи овоз бериш жараёнида Месси “Манчестер Сити” ҳужумчиси Эрлинг Холанд билан бир хил очко тўплаган. Бироқ регламентга кўра, агар очколар тенг келиб қолса, регламентга кўра миллий жамоалар сардорларининг овозлари қўшимча кўрсаткич сифатида олинaди.

Мессига терма жамоаларнинг сардорларидан 107 таси овоз берган. Холандда эса бу кўрсаткич 64 тани ташкил қилади.

Эслатиб ўтамиз, Ўзбекистон миллий терма жамоаси сардори Элдор Шомуродов ҳам айнан аргентиналик футболчини биринчи ўринга қўйган.