01 апр 11:35
Новости
Теннис
Miami Open. Жуфтлик турнири бош соврини АҚШда қоладиган бўлди
АҚШнинг Майами шаҳрида теннис бўйича WTA 1000 тоифасига кирувчи турнир якунланди.
Аёллар ўртасидаги мусобақанинг жуфтлик баҳсларида бош соврини америкалик теннис маликалари София Кенин ва Бетани Маттек-Сэндсга насиб этди. Мезбонлар ҳал қилувчи финал учрашувида канадалик Габриэла Дабровски ҳамда Янги Зеландия вакиласи Эрин Рутлиф ҳамкорлигини қийинчилик билан мағлуб этишди - 4/6, 7/6(5), 11:9.
123 дақиқалик финал статистикаси:
Кенин/Маттек-Сэндс - 0 эйс, 3 та қўшхато, 2 та брейк
Дабровски/Рутлиф - 3 та эйс, 1 та қўшхато, 3 та брейк
Кенин фаолиятидаги тўртинчи жуфтлик бош совринини қўлга киритди. Маттек-Сэндсда эса бу кўрсаткич 30 тани ташкил этмоқда. Улар 1000 рейтинг очкоси ҳамда 447,300 доллар мукофот пули қўлга киритишди. Дабровски ва Рутлиф эса икки ҳафталик меҳнатларидан 650 очко ҳамда 236,800 долларга эга бўлишди.
Ссылка :
Источник : gotennis
Комментарии